ሓደ ግዜ ብዙሓት ንኣሽቱ እንቁርዖብ ተሰሪዐን ነበራ። መአከቢአን ከኣ ንሓደ ነዊሕ ህንጻ ንምሕኳር ነበረ። ነቲ ውድድር ንምዕዛብ ድማ ብዙሕ ተዓዛቢ ተኣኪቡ ነበረ።
ውድድር፡ ፊስካ ተነፊሑ ተጀመረ። ግደ ሓቂ ግና እዘን ንኣሽቱ እንቁርዖብ ነዚ ዓቢ ህንጻ ክሓዅርኦ ይኽእላ እየን ኢሉ ዝኣመነ ኣይነበረን። ስለዝዀነ፡ ሓያሎ ዘረባታት ይዝረብ ነበረ።
- “ው! ከቢድ’ዩ!!”
- “ዋእ! ኣይድይቦኦን እየን!”
- “ዝዕወት የሎን! እዚ ህንጻ ነዊሕ እዩ።”
ነቲ ዝዝረብ ዝነበረ ዘረባታት ዝሰምዓ ዝነበራ እንቁርዖብ በብሓደ ክወድቃ ጀመራ። ገለ ውሑዳት ግን ቀጸላ። እቶም ተዓዘብቲ፡ “ቀሊል መዓስ ኰይኑ፧! እትድዪቦ የላን!” ይብሉ ነበሩ። ሓያሎ ካብ’ተን ተሪፈን ዝነበራ ተስፋ ቀቢጸን ኣቋረጻ። ሓንቲ እንቁርዖብ ግን ብብርቱዕ ጻዕሪ ኣብ ላዕሊ በጽሐት። ኵለን እተን እንቁርዖብ ተገረማ’ሞ ከመይ ኢላ ከም ዝሓዀረቶ ክፈልጣ ተሃንጠያ። እቶም ነቲ ውድድር ዝሰርዑ ከኣ ነቲ ሕቶ ኣቕረቡላ። እታ እንቁርዖብ ቍሊሕ ኣይበለትን – ጸማም እያ ዝነበረት። እቲ ተስፋ ዘቝርጽ ዘረባ ሰሚዓቶ እንተ ትነብር ከም’ተን ብጾታ ኣብቲ ዕላማኣ ከይበጽሐት ምተዀልፈት ነይራ።